काठमाडौं। नेकपा (एमाले)ले पार्टीका माधवकुमार नेपाल–झलनाथ खनाल समूह पक्षले बोलाएको बैठकमा सहभागी नहुन केन्द्रीय सदस्यहरुलाई निर्देशन दिएको छ। एमाले पार्टी कार्यालय सचिव शेरबहादुर तामाङले बिहीवार विज्ञप्ति जारी गरी पार्टी अध्यक्षको परामर्शमा महासचिवले मात्र बैठक बस्ने भएकोले पार्टीले कारवाही गरेका अनधिकृत व्यक्तिले बोलाएको बैठकमा सहभागी हुन निर्देशन दिएका हुन्।

नेपाल–खनाल समूह पक्षले आज आफू निकट केन्द्रीय कमिटी बैठक बोलाएको छ।

“अध्यक्षसँगको परामर्शमा महासचिवले बैठक बोलाउने एमालेको वैधानिक व्यवस्था विपरीत पार्टीले कारवाही गरेका अनधिकृत व्यक्तिले एमाले केन्द्रीय कमिटीको बैठक बोलाएको भन्ने सुन्नमा आएको छ, त्यस्तो क्रियाकलापको निन्दा एवं भर्त्सना गर्दछु” विज्ञप्तिमा तामाङले भनेका छन्। 

तपाईंको प्रतिक्रिया लेख्नुहोस्।