सुर्खेत। गुर्भाकोट नगरपालिकामा एक दिने निशुल्क आयुर्वेद स्वास्थ्य शिविर सञ्चालन गरिएको छ। गुर्भाकोट नगरपालिकाको दहचौर स्वास्थ्य चौकीमा शनिवार निशुल्क स्वास्थ्य शिविर सञ्चालन गरिएको हो।आयुर्वेदिक चिकित्सा पद्धतिद्वारा स्वास्थ्य चेकजाँच गर्न शिविरको आयोजना गरिएको आयोजक प्रदेश आयुर्वेद औषधालय सुर्खेतले जनाएको छ।शिविर सञ्चालन गर्न गुर्भाकोट नगरपालिकाको स्वास्थ्य शाखाले समन्वय गरेको शाखा प्रमुख महेश कुमार पुरीले बताए। पुरीका अनुसार शिविरमा स्वास्थ्य जाँच गरि औषधि खानुपर्ने भएमा औषधि समेत निशुल्क उपलब्ध हुनेछ।

गर्मी समयमा आफ्नो नवजात शिशुलाई कसरी रेखदेख गर्ने ? गर्मीमा बच्चाको लागि अनुकूल वातावरण कसरी तयार पार्ने भन्ने कुरा हरेक परिवारले जानिराख्नु जरुरी छ । किनकि प्रचण्ड गर्मी र तातो हावाले बच्चाको छालालाई सुख्खा बनाइदिन्छ । बजारमा पाइने महँगो उत्पादनको उपयोग गर्नुको साटो केही कुरामा ध्यान दिँदा घरमा नै बच्चालाई सुरक्षित र स्वस्थ राख्न सकिन्छ ।घरको वातावरणमा ख्याल गर्नुहोस् :- घरको झ्याल र ढोका खोलेर राख्नुहोस् । ताकि घर हावादार बनिरहोस् । तर विशेषगरी तराई भेगतिर गर्मीमा तातो हावा चलेको छ भने गर्मी भए पनि झ्याल र ढोका बन्द राख्नुपर्छ । बच्चालाई हाइड्रेड राख्नुहोस् :- गर्मीमौसममा केवल युवावस्था र बुढेशकालका मान्छेलाई मात्रै हाइड्रेटेड राख्नु पर्दैन, बच्चाहरुलाई झनै बढी हाइड्रेडको समस्या हुने गर्छ । किनभने गर्मीको समयमा शरीरमा पानीको अभाव धेरै हुने गर्छ । त्यसैले समय-समयमा आफ्नो बच्चालाई पानी खुवाइरहनुपर्छ ।

यो कुरा मनमा राख्नुहोस् कि बच्चा छ महिनाको भएपछि मात्रै उसलाई पानी खुवाउन थाल्नुपर्छ । किनभने छ महिनाभन्दा कम उमेरको बच्चालाई आमाको स्तनपानमा नै आवश्यक पानीको मात्रा प्राप्त हुने गर्छ । गर्मीको मौसममा पनि नियमित शिशुले चाहेको बेलामा स्तनपान गराउने हो भने उनीहरुमा डिहाइड्रेसनको जोखिम हुँदैन । तर गर्मीको समयमा आमाले चाहिँ पोसिलो खानेकुरा खानै पर्छ । अनुसन्धानमा यो कुरा पत्ता लागेको छ कि आमाको डाइटमा आउने भिन्नताका कारण बच्चाको पेट दुख्ने जस्तो समस्या निम्तिन सक्छ ।फेन्सी उत्पादनबाट बच्चालाई टाढा राख्नुहोस् । हामीलाई लाग्न सक्छ बजारमा पाइएका सुगन्धित साबुन र पाउडरको प्रयोगबाट बच्चालाई सधैंभरि फ्रेस राख्न सकिन्छ । जे होस् यो बिल्कुल गलत कुरा हो किनकि यसमा रहेका केमिकलहरूले बच्चालाई असर गर्ने गर्छ । जसले बच्चाको नरम छालामा बढी जलन निम्त्याउँछ। यति मात्र होइन, केही व्यक्तिले बच्चालाई नुहाइसकेपछि धेरै टाल्कम पाउडरको प्रयोग पनि गर्छन् । यसले बच्चालाई बढी गर्मी हुँदैन भन्ने मान्यता राखिन्छ । यद्यपि यो उपयुक्त होइन ।

तपाईंको प्रतिक्रिया लेख्नुहोस्।