गुर्भाकोटको आठौं नगरसभा सम्पन्न (भिडियो सहित)

सुर्खेत। गुर्भाकोट नगरपालिकाको आठौं नगर सभा सम्पन्न भएको छ। गुर्भाकोट नगरपालिकाको विनियोजन विधेयक (पहिलो संशोधन २०७७) पारित गर्दै मङ्गलवार सभा सम्पन्न भएको हो।

कार्यक्रममा नगर उपप्रमुख मैना बि.क.ले समीक्षा सहितको कार्यक्रम तथा संशोधन प्रस्ताव पेश गरेकी थिइन। उपप्रमुखको प्रस्तावमा सभाका सदस्यहरूले समर्थन जनाएका थिए।

नगर सभामा के के भयो? पुरा भिडियो हेर्नुहोस्।

सभाका सभाध्यक्ष तथा नगर प्रमुख हस्त पुनले छुट्याएको शून्य समयमा बोल्दै सभाका सदस्यहरूले नगरपालिकाका योजना तथा कार्यक्रमहरू जनमुखी र प्रभावकारी हुनुपर्नेमा जोड दिएका थिए। शून्य समयमा सभाका सदस्यहरू दलजित कामी, नन्दलाल शर्मा र कृष्ण बहादुर खत्रीले आफ्नो धारणा तथा टिप्पणी राखेका थिए।

यसअघि सभामा वडाध्यक्षहरूको तर्फबाट वडा नं. १३ का अध्यक्ष मधु गुरूङ्गले आफ्नो धारणा राखेका थिए।

सभाको शून्य समयमा बोल्ने सदस्यहरूले उठाएका सवालहरुको जवाफ नगरप्रमुख हस्त पुनले दिएका थिए।

सभाले गुर्भाकोट नगरपालिकाको आर्थिक विधेयक (पहिलो संशोधन २०७७) पनि सर्वसम्मतले पारित गरेको छ।

तपाईंको प्रतिक्रिया लेख्नुहोस्।