काठमाण्डौं। चलचित्र विकास बोर्डका पूर्व अध्यक्ष गणेश भण्डारी नेकपाको केपी ओली समूहमा लागेका छन्। माओवादी विद्रोहदेखि नै प्रचण्ड निकट रहेर काम गरेका भण्डारीले शुक्रवार देखि औपचारिक रुपमा केपी ओली समूहमा लागेको पुष्टि गरेका छन्।उनले प्रधानमन्त्री निवास बालुवाटार पुगेर प्रधानमन्त्री सहितको फोटो सामाजिक सञ्जालमा पोस्ट गर्दै ‘आइ लभ यू केपी बा’ भनेर क्याप्सन समेत लेखेका छन्।भण्डारी माओवादी विद्रोहताका सुर्खेत जेल ब्रेकगर्ने विद्रोही मध्येका एक् थिए। उनलाई माओवादी कोटाबाट २०६८ सालमा चलचित्र विकास वोर्डको अध्यक्ष नियुक्त गरिएको थियो।नेकपा एमालेका अध्यक्ष एवं प्रधानमन्त्री केपी शर्मा ओलीले वरिष्ठ नेता माधवकुमार नेपाल समूहका सांसदहरुसँग एक्लाएक्लै संवाद गरिरहेका छन् । केही दिनयता नेपाल समूहका सांसदहरुसँग ओलीले संवाद गरिरहेका हुन् ।

स्रोतका अनुसार ओलीले आफूलाई साथ दिन प्रस्ताव गरिरहेका छन् । ‘प्रधानमन्त्री समूहगत रुपमा छलफल गर्ने पक्षमा हुनुहुन्न । तर, व्यक्तिगत रुपमा नेताहरुसँग कुराकानी भइरहेको छ,’ स्रोतले भन्यो । तर, नेपाल समूहका सांसदहरुले भने व्यक्तिगत रुपमा कुनै निर्णय नलिने अडान लिइरहेका छन् ।उहाँ (माधव समूहका सांसदहरु)हरु व्यक्तिगत निर्णय नलिने अडानमै हुनुहुन्छ । तर, प्रधानमन्त्रीले भने व्यक्तिगत निर्णय लिएमा पार्टीको जिम्मेवारी दिने बताइरहनुभएको छ,’ एक नेताले भने । गत १३ चैतमा बोलाइएको संसदीय दलको बैठकमा नेपाल समूहका सांसदहरु सहभागी भएका थिए । तर, त्यसअघि ७ चैतको बैठकमा भने गएका थिएनन् । अर्थात्, नेपाल समूहका सांसदहरु समूहगत निर्णयकै आधारमा बैठकमा समेत जाने वा नजाने निर्णय समेत लिइरहेका छन् ।अध्यक्ष ओलीले भने व्यक्तिगत रुपमा मनाएर सांसदहरु तान्ने प्रयास गरिरहेका छन् । एमालेका १२१ मध्ये ३८ सांसद नेपाल समूहमा छन् ।

तपाईंको प्रतिक्रिया लेख्नुहोस्।