राजनीति

नेकपामा एमसीसीको सकसः वामदेव निवासमा गोप्य भेला

काठमाडौं। नेकपाका प्रस्तावित उपाध्यक्ष वामदेव गौतम निवासमा अध्यक्ष एवं प्रधानमन्त्री केपी शर्मा ओली इतरका नेताहरूको ‘गोप्य’ जमघट भएको छ। गोप्य भेटघाटमा सभामुख चयन र एमसीसीका विषयमा छलफल भएको बताईएको छ।

नेकपाभित्र अध्यक्षद्वय केपी ओली र पुष्पकमल दाहालबीच सभामुख चयनमा सहमति जुट्न सकस भइरहेका बेला भएको यो बैठकलाई अर्थपूर्ण मानिएको आजको अन्नपूर्ण पोष्टले समाचार लेखेको छ।

भैसेपाटीस्थित बामदेव निवासमा अध्यक्ष दाहाल, वरिष्ठ नेताद्वय झलनाथ खनाल र माधव नेपाल, प्रवक्ता नारायणकाजी श्रेष्ठ र स्थायी समिति सदस्य भीम रावल सहभागी थिए। नेताहरूले अध्यक्ष एवं प्रधानमन्त्री ओलीसँग परामर्श गरेरै उक्त बैठक राखेको जिकिर गरे पनि उक्त छलफलमा ओली र उनी पक्षधर भनी चिनिएका नेताहरू ईश्वर पोखरेल र महासचिव विष्णु पौडेल गएनन्।

सचिवालय सदस्य गृहमन्त्री रामबहादुर थापा भने चीन भ्रमणमा छन्। वरिष्ठ नेता खनालले बामदेव निवासमा जमघट भएको पुष्टि गर्दै पार्टी्िभत्रको आन्तरिक विषयमा सामान्य छलफल भएको प्रतिक्रिया दिए।

तपाईंको प्रतिक्रिया लेख्नुहोस्।

Comment here